Cyflwyniad i Grosio: Crefftio Natur

Wedi’i gynllunio’n benodol ar gyfer dechreuwyr llwyr, mae’r cwrs hwn yn rhoi cyflwyniad cadarn i grosio ac yn eich tywys o’r ddolen gyntaf un ar eich bachyn i greu cerflun pili-pala neu wyfyn trawiadol, tebyg i realistig. Mae’r cwrs hwn yn cynnig 18 awr o hyfforddiant mewn grŵp bach, i’ch helpu i fagu hyder yng nghelfyddyd crosio.

Dros chwe gweithdy tair awr o hyd fore Iau, byddwch yn ymuno â Charlie mewn amgylchedd heddychlon a chefnogol i feistroli’r sgiliau sylfaenol yng nghelfyddyd fyfyriol edafedd. Dewiswch wneud naill ai sbesimen realistig trawiadol gyda gwifren neu ddarn celfyddyd syfrdanol mewn ffrâm bocs i fywiogi’ch wal.

• Wythnosau 1–2 (10 a 17 Medi – 10am i 1pm)
  Hanfodion y bachyn, rheoli tensiwn, ac ymarfer y pwythau craidd.
• Wythnosau 3–4 (24 Medi ac 8 Hydref – 10am i 1pm)
  Cyflwyniad i siapio, cynyddu/lleihau, a dechrau eich darnau cerflunwaith.
• Wythnosau 5–6 (15 a 22 Hydref – 10am i 1pm)
  Gwaith adenydd manwl, cydosod, a chyffyrddiadau gorffen i ddod â'ch glöyn byw yn fyw.

Mae’r cwrs yn £180 yn gyfan gwbl sy’n £30 am sesiwn 3 awr, ac mae 6 ohonynt yn y cwrs cyflwyniad i grosio hwn. Bydd angen i chi allu mynychu pob un ohonynt.

Noder bod ffi deunyddiau ychwanegol o £12 i’w thalu i’r tiwtor ar y diwrnod, i dalu cost deunyddiau gan gynnwys edafedd ymarfer, edafedd cotwm ar gyfer eich creadigaeth derfynol, ffrâm bocs neu wifren a bachyn crosio ergonomig.

Eich tiwtor: Charlie Kenobi

Mae Charlie Kenobi yn artist ffibr ac addysgwr sy’n credu bod pob pwyth yn gam tuag at dawelwch mewnol. Ers lansio ei busnes CalmKrafts yn 2023, mae Charlie wedi ennill cydnabyddiaeth am ei chreadigaethau crosio a gwau hynod realistig, yn amrywio o anrhegion swynol i greadigaethau Bonsai a Phryfed realistig.

Mae Charlie yn aelod balch o’r casgliad celf Y Bwthyn 2025, gyda’i chasgliadau ar gael ar-lein ac yn bersonol yn Oriel y Bae, Aberystwyth, ac Oriel Rhiannon o Dregaron.

Fel tiwtor ar gyfer rhaglen Dysgu Gydol Oes Prifysgol Aberystwyth, mae Charlie yn cyfuno arbenigedd technegol ag arddull addysgu ysgafn. P’un a ydych chi’n codi bachyn am y tro cyntaf neu’n edrych i feistroli gweadau realistig, mae ei gweithdai wedi’u cynllunio i’ch helpu i ddod o hyd i’ch “heddwch mewnol” trwy gelfyddyd fyfyriol edafedd a ffibr.