Bydd y gweithdy hwn yn rhoi cyfle i chi wneud eich cwilt sampler naw clwt eich hun.

Mae cwiltio clytiau yn ymwneud ag adrodd straeon, mae tecstilau’n cario atgofion o bobl, amseroedd a lleoedd. Maent yn ein cadw’n gynnes, yn addurno ein cartrefi ac yn cael eu defnyddio i ddathlu cerrig milltir yn ein bywydau a chofio’r rhai nad ydynt gyda ni mwyach. Defnyddir cwiltiau grŵp ar gyfer protest neu i adrodd straeon grŵp cymunedol ac maent yn cael eu trosglwyddo o genedlaethau i genedlaethau.

Gan ddefnyddio ffabrig Batik cotwm 100% hardd o Bali gallwch ddewis o blith amrywiaeth eang o ddyluniadau a fydd yn caniatáu ichi wneud eich penderfyniadau eich hun am liw, dyluniad a phatrwm.
Byddwch chi’n dysgu pob cam o’r broses cwiltio i’ch galluogi i barhau i wneud yn annibynnol yn y dyfodol.
Mae dewis rhwng gwneud â llaw neu rannu peiriannau gwnïo.
Darperir yr holl offer fel torwyr cylchdro, prennau mesur, pinnau ac ati.

Cost y cwrs: £130 ynghyd â £15 am y deunyddiau i’w defnyddio yn eich cwilt, i’w dalu mewn arian parod i’r tiwtor ar y diwrnod.

Eich tiwtor ar gyfer y cwrs hwn yw: Jane Reid

Mae Jane yn raddedig mewn celfyddydau cain sydd wedi bod yn hwyluso ers dros ugain mlynedd ac yn cynhyrchu ei thecstilau ei hun i’w gwerthu. Ar ôl symud o Lundain i Geredigion yn ddiweddar, bydd hi’n cynnig ei gweithdai yn lleol i ysgolion a grwpiau cymunedol. Yn wreiddiol, hyfforddidd Jane fel seramegydd, ond newidiodd i weithio gyda thecstilau dros y degawd diwethaf. Mae hi wedi’i dylanwadu’n fawr gan yr amgylchedd naturiol, sy’n caniatáu iddi barhau i arbrofi yn ei gwaith personol.

Darllenwch ein telerau ac amodau cyn archebu

Efallai y bydd gennych ddiddordeb mewn gweithdai creadigol eraill yn Fferm Denmark hefyd.
Gweler ein calendr digwyddiadau am ein rhestr lawn.