Yr wythnos hon, cynhaliodd Fferm Denmark ymweliad gan griw camera o’r prosiect “2020vision”. Mae hwn yn brosiect amlgyfrwng newydd cyffrous, sy’n ymweld ag 20 o leoliadau dros 20 mis gan ddefnyddio 20 o gamerawyr a ffotograffwyr proffesiynol (gan gynnwys enwau adnabyddus fel Chris Packham a Charlie Hamilton James o Springwatch y BBC).
Mae 2020vision yn disgrifio eu hunain fel “asiantau cysylltiadau cyhoeddus ar gyfer corsydd, gwenyn a thylluanod gwynion”!. I ddarllen mwy am y prosiect diddorol hwn ewch i www.2020v.org
Roedd ein tîm ni o 2020vision, William Bolton a Ross Hoddinott, ar y safle bob dydd o 4.30 y bore, i gofnodi ochr o Fferm Denmark nad yw’r gweddill ohonom yn ei gweld yn aml iawn. Ar ôl gweld rhai o’r lluniau gwych a gymeron nhw ar yr adeg honno o’r dydd, byddem yn argymell yn gryf ymweliad â’r lle yn gynnar yn y bore (neu aros dros nos ar y maes gwersylla!). Mae tîm 2020vision hefyd yn cynnwys merch leol Jazz Dyson, sy’n gweithio ochr yn ochr â’r ffotograffwyr proffesiynol fel aelod o’r tîm ieuenctid.
Nod y prosiect yw cofnodi nid yn unig bywyd gwyllt, ond rhyngweithio pobl â natur. Ffilmiodd y tîm ystod eang o weithgareddau yn Fferm Denmark, gan gynnwys y cyfranogwyr ar ein cwrs cerfio pren a’n cwrs adnabod glaswellt/hesg, a gwirfoddolwyr yn monitro’r blychau pathewod. Aeth y fideograffydd hefyd i un o’n teithiau cerdded tywys cymunedol ‘Bywyd Gwyllt Lle Rydych Chi’n Byw’ yn Llanilar.
Rydym wrth ein bodd yn rhan o brosiect Golwg 2020, ac yn edrych ymlaen yn eiddgar at y canlyniad.
