Gwirfoddoli dros natur: Mae ein rhaglen Gwaith Dros Natur ar gyfer yr hydref a’r gaeaf bellach ar gael yma ar ein gwefan i chi edrych arni.
Mae gennym ystod gyffrous o gyfleoedd i chi ddysgu am gadwraeth a sut i ofalu am yr amgylchedd, yn seiliedig ar ein gwarchodfa unigryw 40 erw yn Fferm Denmark.
Dewiswch o osod blychau adar a thiwbiau nythu ar gyfer pathewod, rheoli gwelyau helyg, rheoli coetiroedd a thorri coed, cynnal a chadw llwybrau a monitro ein hadar preswyl.
Gall gwirfoddoli fod yn ffordd wych o ddysgu am eich amgylchedd a gwneud ffrindiau newydd yn ogystal â gwella eich iechyd a’ch lles.
Ond peidiwch â chymryd ein gair ni amdano yn unig, dyma beth sydd gan rai o’n gwirfoddolwyr rheolaidd i’w ddweud:
“Rwy’n teimlo’n heini ac yn iach ar ôl diwrnod yn gwirfoddoli yn Fferm Denmark ac rwyf hefyd yn teimlo ymdeimlad o foddhad ar ôl diwrnod yn gweithio yn yr awyr agored gyda grŵp o bobl o’r un anian”
“Rwy’n teimlo’n bositif iawn heddiw, yn dod yma yng ngolau haul yr hydref (rwy’n cael trafferth gyda phenodau iselder)”
“Gwirfoddoli yn Fferm Denmark – Cyfle gwych i gael mwy o ymarfer corff yn y byd natur”
“Gwerth pob munud ac os ydych chi eisiau dysgu mwy am ein bywyd gwyllt dyma’r lle i ddod”
“Rwy’n frwdfrydig iawn am y strategaeth gadwraeth ac rwyf am roi rhywbeth yn ôl i gefn gwlad”
Dewch i ymuno â’n grŵp cyfeillgar. Mae croeso i bawb yn Fferm Denmarc ac mae digon o de a chacen bob amser.
Cysylltwch os hoffech chi gael gwybod mwy
